Vigueses atrapados nun cruceiro en Xénova

Cruceiro Costa Pacífica / Youtube

Ao redor de 170 españois, entre eles varias parellas de Vigo, atópanse confinados no Barco Costa Pacífica, atracado no porto de Xénova, e buscan regresar ao país mediante un voo chárter, segundo confirmou a Europa Press uno destes integrantes.

Tal e como explica o vigués Manuel Justel, un destes españois confinados no barco, durante este sábado desembarcarán uns 1.200 arxentinos que se atopan no buque e que, segundo declarou, están a provocar algúns motíns.

O propio Justel lamentou a falta de “noticias oficiais” e espera que ao longo do domingo poidan desembarcar os 169 españois para viaxar, mediante un voo chárter, cara a algún lugar do país que está por determinar.

Segundo relatan, a última parada que realizou o barco foi na cidade brasileira de Maceió e estaba previsto que este sábado desembarcasen en Barcelona, pero deriváronos a Marsella, onde tampouco os deixaron desembarcar.

DEIXAR UN COMENTARIO

Please enter your comment!
Please enter your name here