Unha persoa resultou ferida na mañá deste martes nunha colisión entre dous vehículos rexistrada no municipio pontevedrés da Cañiza.
Segundo a información do CIAE 112-Galicia, o suceso ocorreu sobre as 7,00 horas na estrada EP-5003, concretamente no quilómetro 3,2, onde chocaron dous turismos.
Ata a zona desprazáronse efectivos dos Bombeiros de Ponteareas e de Vigo, que tiveron que liberar á vítima, que quedara atrapada nun dos vehículos implicados. Así mesmo, tamén interviñeron membros do GES de Ponteareas e de Ribadavia, da Garda Civil de Tráfico e da Policía Local, e persoal sanitario do 061.
