Investigan a morte dun cirurxián durante unha garda no Hospital Álvaro Cunqueiro

Foi atopado sen vida a pasada noite nunha das salas de descanso para as gardas.

Hospital Álvaro Cunqueiro dende a parroquia de Valadares / © Miguel Núñez.

A xustiza investiga as causas que levaron á morte dun profesional sanitario de 49 anos durante unha garda no Hospital Álvaro Cunqueiro, en Vigo.

Segundo fontes do hospital, trátase dun cirurxián ao que atoparon sen vida a pasada noite nunha das salas de descanso para as gardas.

Tras o levantamento do cadáver, está previsto que se lle realice a autopsia este luns.

A investigación está en mans da policía xudicial, que foi alertada do ocorrido polo persoal do Álvaro Cunqueiro.