Os bombeiros rescataron a un coello que se atopaba no interior dunha habitación dunha vivenda de Baiona na que se declarou un incendio na tarde deste xoves.
Segundo informa o Centro Integral de Atención ás Emerxencias 112 Galicia, o incendio puido iniciarse nun electrodoméstico situado nun cuarto e acabou por afectar a toda a vivenda debido ao intenso fume.
Así, varios particulares chamaron á central do 112 ao redor das 13,00 horas deste xoves para alertar do lume declarado nunha vivenda situada na rúa Loureiral de Baiona.
Ata alí desprazáronse os efetivos de emerxencias, que rescataron a un coello que se atopaba no interior dunha habitación. Tras ser posto a salvo, o animal foi atendido polos profesionais ao estar afectado pola inhalación de fume.