Un incendio arrasou por completo na madrugada deste venres un alpendre situado xunto a unha casa no municipio de Gondomar (Pontevedra) no que gardaban vehículos, maquinaria e diversos obxectos.
Segundo informou o 112 Galicia, non houbo persoas afectadas polo lume, no que os servizos de emerxencias empregaron dúas horas ata a total extinción do incendio.
As mesmas fontes indicaron que os feitos comezaron sobre as 5,30 horas deste venres cando o 112 Galicia recibiu varias chamadas de particulares que solicitan axuda debido a un alpendre en chamas no lugar da Torre, en Chaín.
Por iso, por parte do 112 Galicia informouse os Bombeiros do Baixo Miño, así como aos membros do GES de Val Miñor para atallar as chamas, que devoraban un galpón cheo de leña, maquinaria e vehículos.
Pola súa banda, os equipos de salvamento e extinción de incendios traballaron durante algo máis de dúas horas para sufocar un lume que causou danos materiais e estruturais no galpón.
