Evacuado a Vigo un tripulante dun pesqueiro tras sufrir un golpe na cabeza

O home sufrira un golpe na cabeza cando estaba ao sur das Illas Ons.

O pesqueiro 'Meteoro 3' / Salvamento Marítimo.

O helicóptero ‘Pesca 1’ do Servizo de Gardacostas de Galicia evacuou este martes a Vigo a un tripulante dun pesqueiro que sufrira un golpe na cabeza cando estaba ao sur das Illas Ons.

Segundo relataron fontes de Salvamento Marítimo, ás 8,40 horas o Centro de Coordinación de Salvamento de Fisterra recibiu o aviso do pesqueiro ‘Meteoro 3’ dun tripulante ferido.

As mesmas fontes sinalaron que o tripulante sufrira un golpe na cabeza, polo que solicitou evacuación médica, que foi autorizada polo Centro Radiomédico.

Así, o helicóptero ‘Pesca 1’ tiña a bordo ao tripulante ás 9,27 horas deste martes e levouno ao Hospital Álvaro Cunqueiro (HAC) de Vigo, onde quedou ingresado pasadas as 10,00 horas.