Un home de 81 anos faleceu despois de que o turismo no que viaxaba saísese da vía e chocase contra un muro no termo municipal de Oia (Pontevedra). Segundo informou o 112 Galicia, o accidente produciuse no lugar de Pedornes, na estrada PO-552, sobre as 19,00 horas deste mércores.
Tras alertar Urxencias Sanitarias de Galicia-061 do sinistro ao 112 Galicia, os xestores do CIAE puxeron a situación en coñecemento dos Bombeiros do Porriño e de Vigo, da Garda Civil de Tráfico, do GES da Guarda e do servizo de mantemento da vía.
A pesar dos esforzos por salvarlle a vida, os servizos sanitarios tan só puideron confirmar o seu falecemento, indicou o 112. En concreto, o 061 desprazou unha ambulancia asistencial e persoal sanitario do Punto de Atención Continuada (PAC) da Guarda que confirmou o falecemento do home A.P.A., de 81 anos, indicaron a Europa Press fontes sanitarias.
