Ferido un menor atropelado en Vigo

Dous menores resultaron feridos en senllos atropelos ocorridos na tarde deste mércores nos termos municipais do Barco de Valdeorras (Ourense) e de Vigo.

Ambulancia / © Miguel Núñez

Un menor resultou ferido por atropelo e necesitou asistencia sanitaria despois de ser atropelado na rúa de Loureiro da parroquia viguesa de Cabral sobre as 19,00 horas deste mércores, apuntou o 112.

Despois da chamada dunha persoa particular, os xestores do CIAE 112 Galicia pasaron o aviso a Urxencias Sanitarias de Galicia-061, á Policía Local e aos Bombeiros de Vigo.

O menor ferido foi trasladado por unha ambulancia medicalizada do 061 ao Hospital Álvaro Cunqueiro (HAC) de Vigo, sinalaron fontes sanitarias.