Un motorista falece e unha muller resulta ferida nun accidente en Vigo

A muller ferida ía de acompañante na motocicleta sinestrada.

Ambulancia © Miguel Nuñez

Un accidente de tráfico sucedido na madrugada deste xoves en Vigo saldouse co falecemento dun home de 40 anos que conducía unha motocicleta, mentres que unha muller de 36 anos resultou ferida.

Segundo recolleu o 061 nun comunicado, a central de coordinación de Urxencias Sanitarias foi alertada ao redor das 1,31 horas de que este suceso tivera lugar na Gran Vía da cidade olívica.

Ata ese punto desprazáronse dúas ambulancias, unha delas medicalizada, para atender ás vítimas. Finalmente, a muller ferida foi trasladada ao Hospital Povisa.