InicioSucesosDetida unha parella nova por tentar subtraer cobre dunha nave en Mos

Detida unha parella nova por tentar subtraer cobre dunha nave en Mos

PUBLICADO O

- Advertisement -

Axentes da Garda Civil detiveron este fin de semana a dous mozos, de 18 e 22 anos de idade, como presuntos autores dunha tentativa de roubo nunha nave dunha empresa en Mos (Pontevedra), de onde pretendían subtraer cobre.

Segundo informaron fontes do Instituto Armado, a alerta activouse polo aviso dunha testemuña, que informou de que vira a dúas persoas entrando no recinto da empresa, cuxa nave está pechada porque non ten actividade.

A dotación que se desprazou ao lugar sorprendeu a unha moza en actitude de espera xunto a un coche, e que recoñeceu que estaba a esperar ao seu mozo, que entrara na nave “para coller cobre”.

O mozo, ao decatarse da presenza dos gardas, tentou darse á fuga, pero foi finalmente interceptado, e ambos foron detidos. Os axentes puideron comprobar que, no interior da nave, xa reuniran un lote de cobre, disposto para levarlo.

Tras prestar declaración en dependencias da Garda Civil, os dous quedaron en liberdade, á espera de ser reclamados polo xulgado de instrución do Porriño. Ademais, a Garda Civil investiga a posible vinculación destes mozos con outros dous roubos cometidos nesa mesma nave nas últimas semanas.

ÚLTIMAS

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...

Un accidente na Ponte de Rande provoca retencións na AP-9

Un accidente na ponte de Rande provoca retencións na autoestrada AP-9 en dirección Pontevedra,...

Prohibida a pesca do choco nas rías de Vigo e Pontevedra durante máis de tres meses

O Diario Oficial de Galicia (DOG) publica este xoves as resolucións da Consellería do...

PP e BNG de Vigo acusan que se impediu aos feirantes acdeder ao Concello e o goberno local négao

Os grupos municipais do PP e o BNG criticaron este xoves que se impediu...