Detido en Vigo por tráfico de drogas un home ao que interveñen haxix e heroína

Axentes da Policía Nacional da Comisaría de Vigo detiveron a unha veciña da cidade, de 32 anos de idade, como presunta autora dun delito de roubo con forza.

Vehículo da Policía Nacional / EP

Axentes da Policía Nacional da Comisaría de Vigo detiveron a un veciño de Santiago de Compostela, de 32 anos de idade, como presunto autor dun delito contra a saúde pública por tráfico de drogas. As investigacións, a cargo da Brigada de Seguridade Cidadá, iniciáronse tras terse coñecemento da posible existencia dun ‘punto negro’ de venda de drogas na zona de Travesía de Vigo.

A vixilancia policial permitiu localizar ao presunto vendedor, que quedaba cos seus ‘clientes’ en puntos predeterminados. Ademais, o sospeitoso adoptaba diversas medidas de seguridade para evadir a acción da Policía. Os axentes despregaron un operativo para interceptalo no momento no que realizaba unha das vendas de droga. No cacheo de seguridade, interviñéronlle unha “importante cantidade” de haxix, así como varias doses de heroína e diñeiro en efectivo.

Unha vez en Comisaría, comprobouse que o sospeitoso ten 13 antecedentes policiais. O arrestado e as dilixencias practicadas foron postos a disposición do xulgado de instrución número 1 de Vigo.

PRESUNTO ROUBO CON FORZA

Axentes da Policía Nacional da Comisaría de Vigo detiveron a unha veciña da cidade, de 32 anos de idade, como presunta autora dun delito de roubo con forza. Segundo informaron fontes policiais, os feitos tiveron lugar a pasada madrugada, cando o 091 recibiu o aviso dunha testemuña que estaba a ver como unha muller manipulaba a fechadura dun establecemento na rúa Urzáiz.

Cando os axentes chegaron ao lugar, comprobaron que unha das fechaduras do local estaba forzada e outra tiña pegadas. Así mesmo, decatáronse da presenza dunha muller que abandonaba a zona a fume de carozo, e cuxa aparencia coincidía coa descrición facilitada pola testemuña.

Ao verse perseguida polos policías, a muller acelerou o paso e desfíxose dunha panca de grandes dimensións. Os policías déronlle alcance e comprobaron que as pegadas  da fechadura coincidían coa panca que tirara a sospeitosa, polo que procederon á súa detención e traslado a Comisaría. Alí, comprobaron que a muller ten 5 antecedentes, varios por feitos similares.

A detida e as dilixencias practicadas foron postas a disposición do xulgado de instrución número 1 de Vigo. Xa en Comisaría procedeuse a realizar unha consulta das bases de datos, comprobándose que a detida xa tiña 5 antecedentes policiais anteriores, sendo varios deles por feitos similares ao descrito.

A investigación foi levada a cabo por axentes do Grupo de Noites da Brigada de Seguridade Cidadá, pertencente á Comisaría de Policía Nacional de Vigo-Redondela, pasando a detida e todo o actuado a disposición do Xulgado de Instrución número 1 dos de Vigo, en funcións de garda.