InicioSociedadeDetido o presunto autor dun delito de violencia machista en Vigo

Detido o presunto autor dun delito de violencia machista en Vigo

A muller sinalou que o seu noivo, que consumira alcol, comezou a insultala e a reprocharlle situacións do pasado, que estivo a lle tirar obxectos de forma continuada.

PUBLICADO O

- Advertisement -

Axentes da Policía Local de Vigo detiveron a un veciño da cidade, J.L.S.R., de 38 anos de idade, como presunto autor dun delito de violencia de xénero, tras golpear, insultar, ameazar e cuspir á súa parella.

Segundo informaron fontes policiais, os feitos ocorreron na madrugada deste venres, cando unha dotación do 092 se trasladou a unha vivenda na zona de Valadares, alertada por un particular que denunciou que levaba varias horas escoitando berros e ruído de rotura de aveños.

Cando chegaron os axentes, abriulles a porta unha muller en actitude nerviosa, e comprobaron que o interior da vivenda estaba revolto. No domicilio había tamén un home, ao que levaron a unha habitación á parte, xa que a muller non se atrevía a falar na súa presenza. Así, a vítima, en estado de ansiedade e chorando, relatou aos funcionarios policiais que a súa parella a atacou cando ela se atopaba tombada descansando, debido a unha forte hemicrania.

A muller sinalou que o seu noivo, que consumira alcol, comezou a insultala e a reprocharlle situacións do pasado, que estivo a lle tirar obxectos de forma continuada, increpándoa, cuspíndolle e golpeándoa durante todo o día, ata que chegaron os axentes. De feito, presentaba marcas vermellas no pescozo, e negróns en todo un brazo. Así mesmo, recoñeceu que a súa parella a ameazou de morte.

O home, pola súa banda, negou a agresión, aínda que recoñeceu que si a golpeou noutras ocasións, o que xustificou dentro do ámbito das discusións de parella. O home foi detido por un suposto delito de violencia de xénero, mentres que a muller foi trasladada a un centro sanitario para que a atendesen polas lesións.

ÚLTIMAS

Hosteleiro libanés de Vigo expulsa un grupo de turistas israelís por mal comportamento no seu restaurante

Un hosteleiro libanés que rexenta un restaurante en Vigo expulsou a un grupo de...

Vigo anuncia que inicia os trámites para unha ordenanza sobre vivendas de uso turístico

O alcalde de Vigo, Abel Caballero, anunciou que o Concello iniciou a tramitación dunha...

OPINIÓN.- Unha cidade para quen a fixo grande

O Partido Popular de Vigo vén de propoñer que a antiga estación de autobuses...

Stellantis fai a última porposta para pagar a prima variable cun novo marco regulador

A dirección de Stellantis Vigo trasladou este xoves a sindicatos a súa última proposta...