Un furgón arroiou un ciclista na Guarda este xoves ao redor das 11,15 horas e, posteriormente, fuxiu do lugar dos feitos.

Segundo o Centro Integrado de Atención ás Emerxencias (CIAE 112), o ciclista resultou ferido como consecuencia o suceso, que tivo lugar na estrada que une a localidade con Baiona.

Varios particulares que foron testemuñas do suceso informaron o servizo de emerxencias galego de que o condutor do furgón fuxira tras o accidente.

Así mesmo, ata o lugar dos feitos desprazáronse os servizos sanitarios de urxencia e axentes da Policía Local e da Garda Civil de Tráfico.