A Policía Local de Vigo informou de varios accidentes que tiveron lugar este luns pola presenza de manchas de gasoil na calzada.
O primeiro accidente foi a caída dun motorista nunha rotonda en Bouzas, sobre as 12,30 horas; mentres que o segundo sinistro produciuse apenas dez minutos despois, cando outro motorista caeu na rotonda da Praza da Industria Conserveira.
A Policía sospeita que as manchas de gasoil poderían proceder dun mesmo vehículo que, ao longo da súa ruta, ía perdendo combustible.