Atopan unha persoa morta nunhas bateas da Ría de Vigo

Foi un bateeiro o que avistou o corpo boca abaixo no peirao de Vieirasa.

Bateas na ria
Bateas na ría de Vigo / © Miguel Núñez.

Un corpo foi achado na mañá deste venres enganchado nunha batea fronte ao peirao de Vieirasa, na Ría de Vigo, na zona de Vilaboa.

Segundo os datos facilitados polo 112 Galicia, tivo constancia dos feitos uns minutos despois das 8,30 horas deste venres a través da chamada dunha persoa particular.

Por parte do Centro Integrado de Atención ás Emerxencias (CIAE) 112 Galicia pasouse o aviso á Garda Civil, ao Servizo de Gardacostas de Galicia, a Salvamento Marítimo, ao 061 e a Protección Civil de Vilaboa.

Fontes de Salvamento Marítimo concretaron a Europa Press que ás 8,42 horas se lles requiriu colaboración, polo que acudiu á zona a embarcación ‘Salvamar Mirach’, que se situou xunto ao corpo ata a chegada da patrulla da Garda Civil, que se encarga da investigación.

Foi un bateeiro o que avistou un corpo boca abaixo enganchado nunhas bateas e avisou aos servizos de emerxencias.

DEIXAR UN COMENTARIO

Please enter your comment!
Please enter your name here