Suspendidas as clases no IES Mendiño tras a morte de tres estudantes deste centro no accidente de Teis

IES Mendiño, en Redondela / Xunta

O IES Mendiño de Redondela decidiu suspender as clases este xoves e venres tras a tráxica morte de tres novos, estudantes do centro, nun accidente de tráfico este mércores, na autoestrada AP-9 á altura da parroquia viguesa de Teis.

O centro decidiu mandar aos alumnos a clase e suspender aulas este venres, aínda que o instituto permanecerá aberto para todos aqueles estudantes que desexen acudir. “Son días tristes para toda a comunidade do IES Mendiño, todo noso máis sincero apoio ás familias”, trasladaban este xoves a través das redes sociais.

O tráxico suceso provocou unha conmoción na comunidade, con numerosas mostras de agarimo e condolencias de responsables políticos, sociais e outros centros. Un deles, o IES Pedro Floriani, protagonizou un minuto de silencio ás 12.00 horas nas instalacións do centro, e o equipo ha desexando “a pronta recuperación dos feridos”.

O sinistro ocorreu pasadas as 21,00 horas na AP-9 á altura da Raqueta de Torres de Padín, en dirección a Vigo. Un turismo ocupado por cinco mozos saíuse da vía e, tras chocar contra un poste dun viaduto e contra o gardarraíl, acabou envorcando.

Como consecuencia do impacto, faleceron tres ocupantes do coche, dúas mozas e un mozo de entre 17 e 18 anos de idade. A moza saíu despedida do vehículo, mentres que os outros dous falecidos tiveron que ser excarcerados polos bombeiros. Por outra banda, o condutor do coche, M.M.V., de 18 anos de idade, foi trasladado en ambulancia medicalizada ao hospital Álvaro Cunqueiro, e o copiloto foi evacuado ao centro hospitalario Vithas Nosa Señora de Fátima da cidade olívica.

DEIXAR UN COMENTARIO

Please enter your comment!
Please enter your name here