InicioCulturaIngresado grave no Álvaro Cunqueiro o electricista que roubou o Códice Calixtino

Ingresado grave no Álvaro Cunqueiro o electricista que roubou o Códice Calixtino

PUBLICADO O

Manuel Fernández Castiñeiras, o electricista que foi condenado a oito anos de prisión polo roubo do Códice Calixtino na Catedral de Santiago, permanece ingresado na UCI do Hospital Álvaro Cunqueiro (HAC) de Vigo, tras sufrir un derrame cerebral.

Segundo fontes consultadas por Europa Press, o home leva case dúas semanas no centro hospitalario vigués, tras sufrir este accidente cerebrovascular no cárcere pontevedrés da Lama, onde cumpre condena.

Fernández Castiñeiras se atopou mal o pasado 26 de abril e foi trasladado, nun primeiro momento, ao Hospital Montecelo de Pontevedra. Dado o seu estado de gravidade, foi posteriomente evacuado a Vigo, onde ingresou no Hospital Álvaro Cunqueiro.

O recluso cumpre condena pola subtracción continuada durante anos de diñeiro e documentos da basílica compostelá, entre eles o Códice Calixtino. Así mesmo, está considerado como autor dun delito de branqueo de capitais.

A noticia da subtracción do Códice Calixtino da Catedral de Santiago deuse a coñecer o 5 de xullo de 2011. A peza foi localizada case un ano despois, o 4 de xullo de 2012, dentro dun garaxe na poboación coruñesa do Milladoiro, propiedade do detido.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...