InicioSucesosDetido por violencia de xénero en Vigo tras supostamente agredir á súa...

Detido por violencia de xénero en Vigo tras supostamente agredir á súa parella e non deixala saír de casa

PUBLICADO O

Un home de 43 anos natural de Vigo, S.V.P., foi detido nesta cidade por un delito de violencia de xénero por supostamente tentar afogar á súa parella, agredila e impedirlle saír do domicilio común.

A muller foi este luns ás 15,00 horas ás dependencias da Policía Local para informar de que a súa parella a agredira, aínda que manifestou que non quería denuncialp, segundo recolleu o corpo de seguridade nun comunicado.

Posteriormente, recibiu asistencia dun axente de Unidade de protección contra os malos tratos (EVAP), ao que lle transmitiu que a súa parella comezara unha discusión ás 3,00 horas por espertalo.

Segundo manifestou a muller, el agarrouna polo pescozo para tentar afogala, golpeouna en varias partes do corpo e impediulle saír da vivenda que compartían. Ao redor das 4,00 horas, o home abandonou o domicilio e comezou a acosala mediante mensaxes de texto.

A muller foi trasladada a un centro médico polas feridas e prestóuselle apoio desde o centro de rede de mulleres veciñais contra os malos tratos, aínda que ela continuou sen querer presentar a denuncia. Mentres, unha patrulla localizou ao presunto agresor, detívoo e púxoo a disposición xudicial.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...