InicioVal MiñorBaionaRescatado en helicóptero un pescador ferido que sufriu unha caída nunha rochosa...

Rescatado en helicóptero un pescador ferido que sufriu unha caída nunha rochosa en Baiona

PUBLICADO O

- Advertisement -

O helicóptero Pesca 1 do Servizo de Gardacostas de Galicia rescatou ás 10,45 deste domingo a un pescador que sufriu unha caída mentres pescaba, nunha zona rochosa de difícil acceso en Baiona.

O propio afectado púxose en contacto co servizo de emerxencias do 112 Galicia para solicitar axuda. Na súa chamada, indicou que se atopaba nas rochas entre Oia e Baiona, á altura do primeiro miradoiro. Ademais, a persoa que o acompañaba estaba a tentar localizar axuda.

Con estes datos, desde o 112 Galicia transmitiuse o aviso ao 061-Urxencias Sanitarias, ao GES de Val Miñor e aos bombeiros de Baixo Miño, aínda que os efectivos sanitarios da ambulancia informaron ao chegar ao lugar que se necesitaban medios de rescate para chegar ao ferido. Tamén se desprazaron á zona axentes da Garda Civil e da Policía Local.

Debido á dificultade de acceso da zona, o 112 requiriu a colaboración do Servizo de Gardacostas, que mobilizou o helicóptero para rescatar ao ferido, que foi finalmente trasladado en aeronave ata o Hospital Álvaro Cunqueiro de Vigo.

ÚLTIMAS

Hosteleiro libanés de Vigo expulsa un grupo de turistas israelís por mal comportamento no seu restaurante

Un hosteleiro libanés que rexenta un restaurante en Vigo expulsou a un grupo de...

Vigo anuncia que inicia os trámites para unha ordenanza sobre vivendas de uso turístico

O alcalde de Vigo, Abel Caballero, anunciou que o Concello iniciou a tramitación dunha...

OPINIÓN.- Unha cidade para quen a fixo grande

O Partido Popular de Vigo vén de propoñer que a antiga estación de autobuses...

Stellantis fai a última porposta para pagar a prima variable cun novo marco regulador

A dirección de Stellantis Vigo trasladou este xoves a sindicatos a súa última proposta...