Dúas persoas resultaron feridas na tarde deste venres nun accidente de tráfico rexistrado no municipio pontevedrés do Rosal, tras caer o coche no que viaxaban por un barranco duns 10 metros.
Segundo explicou o CIAE 112-Galicia, o suceso ocorreu sobre as 14,45 horas deste venres na estrada que une San Xiao con Portocelo.
Ata a zona desprazáronse efectivos do GES da Guarda, dos Bombeiros de Baixo Miño, da Garda Civil de Tráfico, da Policía Local e de Protección Civil. O persoal de urxencias axudou aos feridos a chegar á ambulancia do 061, que os trasladou a un centro hospitalario.
