Dúas mulleres foron trasladas este venres ao Hospital Álvaro Cunqueiro (HAC) de Vigo tras unha colisión por alcance na A-55 ao seu paso polo termo municipal do Porriño (Pontevedra).
Segundo os datos facilitados polo 112 Galicia a Europa Press, este sinistro tivo lugar sobre as 8,00 horas deste venres na A-55 sentido O Porriño. Un dos implicados na colisión explicou ao servizo de urxencias que ao intentar adiantar a un camión parado chocou por detrás con outro coche e el coa mediana.
Por iso, foron mobilizados persoal do 061, Bombeiros de Baixo Miño, Garda Civil de Tráfico, Policía Local e Protección Civil, así como de mantemento da estrada. Ao lugar o 061 desprazou unha ambulancia asistencial que levou ao HAC de Vigo ás mulleres M.P.P., de 33 anos, e F.P.O., de 37, confirmaron fontes sanitarias.