Tres feridos leves en Mos por un accidente de tráfico na A-55

Guardia Civil | Fonte: GUARDIA CIVIL PONTEVEDRA

Tres persoas resultaron feridas de carácter leve nun accidente de tráfico con tres vehículos implicados rexistrado no municipio pontevedrés de Mos.

Segundo informou o CIAE 112 Galicia, o suceso tivo lugar ás 16,30 horas no quilómetro 14,4 da A-55, á altura da incorporación a Porriño.

Tras recibir o aviso por parte dun particular, o persoal do 112 Galicia pasou o aviso ao 061-Urxencias Sanitarias, aos axentes da Garda Civil de Tráfico, á Policía Local e a Protección Civil de Mos.