InicioSucesosInvestigan a un veciño de Cangas por vender mineral tóxico como medicina...

Investigan a un veciño de Cangas por vender mineral tóxico como medicina milagrosa

PUBLICADO O

A Garda Civil investiga penalmente a un veciño de Cangas acusado dun presunto delito contra a saúde pública, por comercializar a través de internet o MMS, un produto tóxico que ofrece falsas propiedades curativas para todo tipo de enfermidades.
O MMS ( Miracle Mineral Solution) ou SMM (Solución Mineral Milagrosa), é o resultado da mestura do clorito de sodio, usado habitualmente como depurador de augas para o consumo humano, co ácido clorhídrico, que actúa como activador, dando lugar ao dióxido de cloro (MMS), ao que se lle atribúen falsas propiedades curativas, tomándoa en pingas diluídas na auga ou outra bebida.
Trátase dun produto cuxa comercialización e publicidade foi prohibida no ano 2010 pola Axencia Española de Medicamentos e Produtos Sanitarios ao constatar o seu potencial risco para a saúde.
As investigacións iniciáronse o pasado mes de setembro cando o Equipo de Policía Xudicial da Garda Civil de Cangas ten noticia sobre a venda online dun produto comercializado como suplemento alimentario, que carecía de autorización.
As pescudas iniciais levaron aos investigadores á páxina web dunha empresa que ten o seu domicilio social en Cangas do Morrazo, cuxo obxecto é o comercio polo miúdo por correspondencia e Internet de produtos de estética, cosmética, nutrición, mantemento e coidado corporal.
Nesta páxina web, o administrador anunciaba a venda os dous compostos químicos do MMS: clorito de sodio e acedo clorhídrico, ademais do produto acabado, que o comercializaba co nome de “ Depur”.
A través doutra páxina web, vinculada coa anterior e relacionada co administrador único da mesma empresa, achegábase información sobre o clorito de sodio e os seus “beneficios”, ademais de ligazóns a vídeos que mostran a elaboración e testemuños de curacións pola toma do produto, así como protocolos de actuación e dosificacións.
A publicidade do MMS completábase cun anuncio nun coñecido portal de vendas na internet. A investigación concluíu coa inspección da sede social da empresa en Cangas onde se almacenaba, elaboraba e distribuía este produto considerado ilegal, no ámbito farmacéutico e sanitario.
Incautáronse preventivamente preto de cen litros dos distintos compostos químicos que conforman o MMS e unha importante cantidade de envases co produto xa elaborado (Depur).
Finalizou a operación coa investigación penal do administrador único da empresa como suposto autor dun delito contra a saúde pública, por dedicarse á elaboración e venda dun produto que publicitaba con propiedades curativas, estando prohibida a súa comercialización pola Axencia Española dos Medicamentos.
No desenvolvemento das investigacións e das inspeccións que levaron a cabo participaron efectivos do Equipo de Policía Xudicial da Garda Civil e da Patrulla do Seprona de Cangas.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...