Unha nave da empresa Firgoríficos de Vigo ardeu na mañá deste xoves sen que houbera que lamentar danos persoais, aínda que houbo dous feridos. O lume comezou sobre as 9,00 horase afectou ao sistema de ventilación de frío instalado no exterior da nave.
Até o lugar desprazáronse varias dotacións de Bombeiros de Vigo, así como Policía Portuaria, Policía Local e Nacional; Garda Civil e persoal de Urxencias Sanitarias. A rápida intervención dos efectivos conseguiu conter o lume que se deu por apagado media hora despois. A Autoridade Portuaria asegurou que non hai risco tóxico nin por fume nin por verteduras.
Con todo, dous traballadores resultaron feridos. Un deles presenta un traumatismo e outras queimaduras, aínda que insistiu en que o seu estado non reviste gravidade. Ao parecer os dous feridos estaban a realizar tarefas de desmonte dunhas pezas cando se produciu “un problema de soldadura”, o que puido ser a orixe do lume.