InicioSociedadeVeciños recadan fondos para denunciar o ruído das festas do Nadal

Veciños recadan fondos para denunciar o ruído das festas do Nadal

A Agrupación de Veciños da Zona do Centro de Vigo reuniu xa case 2.000 euros, mais precisa 10.000 para contratar a un avogado experto na materia, realizar polo menos dez medicións de ruido por parte da empresa especializada e crear un informe gráfico e visual que reflicta a situación que aseguran estar a vivir

PUBLICADO O

Agrupación de Veciños da Zona do Centro de Vigo reuniu xa case 2.000 euros cunha campaña de recadación na plataforma GoFundMe para denunciar o ruído xerado polo “parque de atraccións” e mercadillo instalado na cidade durante o período do Nadal.

Os afectados, que xa iniciaran unha recollida de firmas en Change.org coa que pedían ao Concello “que poña fin á montaxe e patrocinio desta actividade no medio das rúas do centro”, decidiron pasarse á vía administrativa.

Para isto, animan á participación cidadá, xa que necesitan reunir un orzamento de 10.000 euros para poder contratar a un avogado experto na materiarealizar polo menos dez medicións de ruído por parte dunha empresa especializada e crear un informe gráfico e visual que reflicta a situación “atroz” que aseguran vivir.

“Esta actividade comercial promovida polo Concello atenta directamente contra a inviolabilidade do noso domicilio, descanso, seguridade, saúde, protección do medio ambiente, etc. Todos eles son dereitos fundamentais dos que alí vivimos ou traballamos”, sinala o grupo.

Así mesmo, segundo as declaracións da comunidade, os niveis de ruído destas instalacións “incumpren” a normativa legal europea, estatal, autonómica e do propio concello da cidade.

Deste xeito, pretenden iniciar “de forma inmediata” a denuncia pola vía administrativa contra o consistorio municipal porque, engaden, “é necesario esgotar esta vía antes de iniciar a vía xudicial se o Concello non rectifica na súa postura”.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...