InicioO Forum Peregrino 2022 celebrarase en Tui durante o 21 e 22...

O Forum Peregrino 2022 celebrarase en Tui durante o 21 e 22 de maio

O alcalde de Tui, Enrique Cabaleiro, destacou a importancia de eventos como este que "contribúen á valorización do Camiño", remarcando que se trata dunha "ferramenta importante porque significa que van vir á cidade profesionais que teñen un amplo e extenso coñecemento desta materia".

PUBLICADO O

A aula da UNED, no antigo Convento de San Domingos, en pleno Camiño de Santiago, acollerá o sábado 21 e o domingo 22 de maio o Forum Peregrino organizado por Iacobus Tui Baixo Miño coa colaboración do Concello de Tui.

O evento foi presentado este venres ao mediodía polo alcalde de Tui, Enrique Cabaleiro, pola concelleira de Cultura e Ensino, Sonsoles Vicente, e xunto a Juan José Sánchez, vicepresidente;Alfonso Ferreira, secretario e Jesús Carreira, vogal de Iacobus Tui -Baixo Miño.

O alcalde de Tui, Enrique Cabaleiro, destacou a importancia de eventos como este que “contribúen á valorización do Camiño”, remarcando que se trata dunha “ferramenta importante porque significa que van vir á cidade profesionais que teñen un amplo e extenso coñecemento desta materia”.

“Aínda que esteamos nun momento bo e doce tamén temos que debater sobre o momento actual e sobre cales son os desafíos e retos do futuro”, puntualizou.

Sonsoles Vicente, pola súa banda, indicou que serán dous días “de divulgación, de coñecer actividades que se realizan ao redor delcamino de Santiago relacionadas coa educación e coa parte social que leva o Camiño de Santiago”.

PROGRAMA

O sábado, tras a apertura do alcalde, o primeiro relator será o historiador e experto do Camiño Rafael Sánchez Bargiela, que hablarásobre ‘Crónicas e relatos sobre Tui, de peregrinos polo Camiño Portugués’. A continuación Javier Pitillas, de Discamino, que axuda a persoas con discapacidade a realizar o Camiño de Santiago, presentará o seu proxecto solidario ‘Que ninguén che diga que non podes’, que foi finalista dos premios Princesa de Asturias. Tamén o sábado contarán coa presenza do profesor da Universidade do Porto, Joel Cleto.

Ademais das conferencias están tamén previstas visitas guiadas aos conxuntos históricos de Tui e Valença e unha travesía en barco polo Miño. Ás 20,30 horas na igrexa de San Francisco celebrarase a Misa Peregrina.

Xa o domingo a apertura da xornada correrá a cargo do presidente da Federación Galega de Asociacións de Amigos do Camiño (Fegac), Manuel López. Acto seguido, intervirá o presidente da Federación Española de Asociacións de Amigos do Camiño de Santiago (Feaccs), Jorge Martínez Cava, que pronunciará a conferencia ‘Retos do asociacionismo xacobeo. Cara ao ano 2027’.

Alfonso Ferreira intervirá tamén o domingo ás 11,00 horas coa charla ‘Eu? Peregrino!’, e seguirao Quinin Freire, que presentará o proxecto escolar ‘Unha xanela aberta ao mundo’, que recibiu o Premio Camiño de Santiago 2018 ao mellor proxecto educativo sobre o Camiño.

Ás 13,00 horas o tema da conferencia será ‘Camiño de Santiago, anos santos e xacobeos, converxencias e diverxencias’, que impartirá o profesor da Universidade de Santiago e xornalista experto no Camiño, Manuel Rodríguez, que recibiu o premio Aymeric Picaud, en recoñecemento ao seu traballo de divulgación do Camiño de Santiago.

Para pechar este Forum 2022 contarase coa presenza de Ildefonso de la Campa, director de Administración e Relacións coas Asociacións de Amigos do Camiño de Santiago.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...