InicioSociedadeO Sergas restablecerá a atención pediátrica en Covelo a partir do martes

O Sergas restablecerá a atención pediátrica en Covelo a partir do martes

Os pacientes tiñan que desprazarse ao concello de Mondariz.

PUBLICADO O

O Sergas confirmou este venres de que, a partir da semana próxima, restablecerase a atención pediátrica no centro de saúde de Covelo tal e como avanzou o conselleiro Julio García Comesaña ao alcalde nunha reunión mantida a principios de mes.

Así, a partir do 22 de marzo, a atención pediátrica volverá prestarse no centro de saúde, sen que os pacientes teñan que desprazarse ao concello de Mondariz. O tempo de atención será o mesmo que había antes, aínda que se centralizará nun só día, cunha xornada máis ampla, de 8,00 a 15,00 horas.

Por outra banda, García Comesaña tamén anunciou a próxima posta en marcha doutras medidas para que o médico de familia poida dispor de máis tempo para atender aos veciños.

Entre as medidas expostas expúxose o apoio para a xestión de pacientes crónicos e a habilitación de mecanismos “para descargar a atención primaria das tarefas sanitarias de carácter máis burocrático”.

Así mesmo, o Sergas vai acometer unha reordenación espacial do centro de saúde para liberar espazos e dedicalos a actividade asistencial. Nese sentido, habilitarase a planta superior do edificio para que se instalen alí a zona de estar e os vestiarios do persoal.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...