Dinamizar a zona e impulsar a actividade dos locais de hostalaría é o obxectivo da iniciativa “Vermuteando na Compostela” que veñen de poñer en marcha o Bar Amazonas, Entre Horas, Puro Sabor e Xeitoso coa colaboración do Concello de Tui e de EMPRETUI.
Así, os sábados e domingos deste mes de marzo, dende ás 12h, estes catro locais crearán unha ruta na que se poderá degustar un vermú acompañado dun pincho e coa ambientación musical da man de DJ’s.
Ademais, entre todas as persoas que ao longo do mes disfruten da iniciativa sortearase unha estancia en Cantabria e outra nas Cabanas da Ulla. “Vermuteando na Compostela” comeza xa este sábado 5 de marzo e o domingo 6 dende ás 12 h.
