Cinco mortes máis en Galicia pola covid-19, unha en Vigo

As vítimas da pandemia en Galicia suman 2.873.

Paciente con covid-19 na UCI / ANA VARELA - XUNTA - Arquivo.

As mortes doutras cinco persoas que foran diagnosticadas coa covid-19 en Galicia elevan as vítimas da pandemia a 2.873.

Segundo informou a Consellería de Sanidade, dous destes falecementos producíronse o día 19. Trátase dun home de 87 anos que faleceu no seu domicilio da área sanitaria da Coruña e Cee e doutra muller de 89 anos que estaba ingresada no Complexo Hospitalario Universitario de Ourense.

Ademais, na xornada do xoves perdeu a vida unha muller de 87 anos na Residencia San Martiño de Nogueira de Ramuín, unha muller de 99 anos no Hospital da Mariña e un home de 75 no Complexo Hospitalario Universitario de Vigo (CHUVI).

As cinco persoas falecidas presentaban patoloxías previas.

DEIXAR UN COMENTARIO

Please enter your comment!
Please enter your name here