A Consellería de Sanidade notificou este mércores unha nova vítima con coronavirus. Desde o comezo da pandemia, o total de falecidos en Galicia elévase a 2.664.
O falecido é un home de 84 anos, cuxa morte tivo lugar no hospital Povisa, en Vigo. Esta persoa contaba con patoloxías previas.
A anterior vítima rexistrada en Galicia foi unha muller de 79 anos, que faleceu o martes no Complexo Hospitalario Universitario de Ferrol (CHUF). Era veciña do edificio de Fene no que vivía unha muller de 58 anos que morreu no seu domicilio sen vacinar o 12 de novembro.
