A presión hospitalaria por COVID aumenta en Vigo, con 59 pacientes en planta, seis máis dos que había, mentres que en UCI o número mantense en 8 ingresos.
Por outra parte, o número de casos activos rexistrados na área viguesa suman 3.192 casos, o que supón 102 menos. Non obstante, hai que engadir 62 novos contaxios na mesma área.
As persoas falecidas diagnosticadas con Covid-19 en Galicia ascenden a 2.518, despois de notificar as autoridades sanitarias este luns outras dúas vítimas mortais: unha muller de 87 anos de idade que estaba ingresada en Povisa, e outra muller, de 86 anos, ingresada no Chuvi.
