Vigo rexistra outra morte por covid-19

Catro novos mortos elevan a 2.512 as vítimas da pandemia en Galicia.

Paciente con covid-19 na UCI / ANA VARELA - XUNTA - Arquivo.

As autoridades sanitarias informaron de catro novos falecidos diagnosticados con Covid-19 e que elevan a 2.512 o total de vítimas da pandemia en Galicia. Todos eles contaban con patoloxías previas.

Un dos casos rexistrouse este mércores, en concreto un home de 63 anos de idade que estaba ingresado en Povisa, en Vigo.

Así mesmo, este xoves faleceron unha muller de 91 anos no Complexo Hospitalario da Coruña e un home de 81 anos no Hospital Comarcal de Verín.

Finalmente, este venres rexistrouse á morte dunha muller de 80 anos de idade e que estaba ingresada no Complexo Hospitalario da Coruña.

DEIXAR UN COMENTARIO

Please enter your comment!
Please enter your name here