Evacúan dúas persoas no incendio dun piso en Vigo

Ocorreu na rúa López Mora.

Bombeiros / VEICAR.

Os efectivos de emerxencia evacuaron dúas persoas pola súa exposición ao fume dun incendio rexistrado nun piso da cidade de Vigo.

Segundo informou o CIAE 112 Galicia, minutos antes das 17,00 horas deste mércores unha chamada á central alertaba do lume, que afectaba á cociña dunha vivenda situada na rúa López Mora.

Ata alí mobilizáronse os bombeiros da cidade, así como profesionais de Urxencias Sanitarias 061 e axentes das policías Nacional e Local.

Así, dous ocupantes da vivenda tiveron que ser trasladadas por inhalación do fume xerado polo lume, que afectou a cociña e a campá extractora.