InicioSociedadeRecibe a alta hospitalaria un dos tripulantes do 'Prometheus Leader', afectado pola...

Recibe a alta hospitalaria un dos tripulantes do ‘Prometheus Leader’, afectado pola variante india

Seguen ingresados outros sete tripulantes deste buque e cinco do 'Emerald Leader'.

PUBLICADO O

Un dos tripulantes do buque ro-ro ‘Prometheus Leader’, que acaba de terminar a súa corentena no porto de Vigo (decretada tras detectarse un gromo de Covid-19 da variante india), recibiu a alta hospitalaria este venres, segundo confirmaron fontes sanitarias.

Trátase dun dos 8 tripulantes dese cargueiro, que permanecía ingresado no Hospital Vithas de Vigo, e que recibiu a alta tras a súa evolución favorable e despois de dar negativo na última proba PCR á que foi sometido.

Este é o primeiro tripulante do ‘Prometheus Leader’ que recibe a alta, mentres que seguen ingresados no Hospital Vithas outros 7 tripulantes deste buque, un deles na UCI.

O barco finalizou xa a súa corentena e, tras cargar uns 2.500 vehículos na terminal de Bouzas, tiña prevista a súa saída de Vigo esta tarde con rumbo a Zeebrugge (Belgica).

SEGUNDO GROMO

Por outra banda, outro buque ro-ro, xemelgo do primeiro, o ‘Emerald Leader’, permanece en corentena no peirao de Rande, tras detectarse 10 casos positivos de Covid-19. O servizo de Microbioloxía do Sergas confirmou este venres que este gromo tamén se corresponde coa variante india do virus.

Neste caso, son cinco os tripulantes que foron hospitalizos en Vigo e, segundo fontes sanitarias, permanecen “estables”. O resto de membros da tripulación contaxiados seguen illados no barco.

Novo hospitalizado do segundo buque confinado en Vigo mentres confirman a variante india dentro do barco

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...