Por fin abre a fronteira Con Portugal tras máis de tres meses fechada

As medidas de desescalada inclúen a ampliación do horario de apertura de restaurantes, cafés e pastelarías até as 20:30.

Fronteira da Ponte Internacional Tui-Valença cortada ao paso / Marta Vázquez Rodríguez - Europa Press.

EFE. O primeiro ministro de Portugal, António Costa, anunciou este xoves que a apertura de todos os postos fronteirizos con España, incluídos os galegos, que permanecen pechados desde xaneiro debido á pandemia, será reaberta ao tránsito normal o sábado.

Esta medida forma parte da última fase do plan de desconfinamiento de Portugal, que poderá avanzar desde este sábado grazas á tendencia positiva que rexistra a pandemia no país luso, informou Costa en rolda de prensa.

Portugal decretou o peche das fronteiras con España o 31 de xaneiro e desde entón só se permitiu o tránsito de nacionais e residentes, transporte de mercadorías e traballadores transfronteirizos, polos pasos autorizados polas autoridades.

As medidas de desescalada inclúen a ampliación do horario de apertura de restaurantes, cafés e pastelarías até as 20:30. Os ximnasios e as actividades deportivas recuperan a actividade normal e ampliarase o horario dos espectáculos culturais ás 22:30. Tamén se permitirán as vodas e bautizos cun aforamento do 50%.

No entanto, o teletraballo seguirá sendo obrigatorio e as zonas con peores indicadores epidémicos seguirán mantendo restricións. O presidente do país luso, Marcelo Rebelo de Sousa, anunciara o mércores que non proporía unha nova renovación do estado de emerxencia, o nivel de alerta máis alto. “Decidín non renovar o estado de emerxencia”, comunicou o xefe do Estado nunha declaración ao país, na que explicou que tomou a decisión tras ouvir aos especialistas, ao Goberno e aos partidos que integran o Parlamento.

Cunha terceira onda durísima, o 15 de xaneiro decretouse un confinamento xeral e o Goberno só empezou a aliviar as restricións, de forma gradual, dous meses despois. Este martes as autoridades mantiveron unha reunión con epidemiólogos e outros especialistas, que confirmaron que a situación da pandemia é estable.

DEIXAR UN COMENTARIO

Please enter your comment!
Please enter your name here