O Boletín Oficial do Estado (BOE) publica este luns o anuncio de poxa administrativa da Axencia Estatal de Administración Tributaria en relación a solares do residencial de Domaio, en Moaña.
En concreto, faise referencia a sete solares, segundo recolle o anuncio realizado polo Ministerio de Facenda e asinado, a 21 de abril, polo xefe do equipo rexional de Recadación de Facenda.
Os solares fan referencia a un residencial para o que se concederon licenzas fai máis de vinte anos e cuxas obras se paralizaron por incumprimentos na urbanización e edificación, con vivendas proxectadas non iniciadas.
