InicioSociedadeA empresa viguesa IberAtlantic recoñece reunións con "administracións públicas" interesadas na vacina...

A empresa viguesa IberAtlantic recoñece reunións con “administracións públicas” interesadas na vacina rusa Sputnik

Esta vacina aínda non conta co aval da Axencia Europea do Medicamento, aínda que se está analizando.

PUBLICADO O

- Advertisement -

A empresa afincada en Vigo IberAtlantic, dedicada a facilitar e intermediar a implantación de proxectos rusos en España, recoñeceu que mantivo reunións con “distintas administracións públicas” interesadas na vacina Sputnik V, que aínda non conta co aval da Axencia Europea do Medicamento, aínda que se está analizando.

Así o dixo a compañía a través dun comunicado, tras facerse público o interese da Comunidad de Madrid na adquisición desta vacina a través deste fondo de investimento.

No “marco específico de negociación para a produción da Sputnik V” en Europa, IberAtlantic Global Corporation mantivo “numerosas reunións e comunicacións con diferentes institucións públicas e privadas de moi distinta natureza, incluídas administracións públicas”, destacan.

Con todo, subliñan, estes encontros teñen “carácter confidencial”, polo que non divulgará “ningún detalle” acerca deles. “Sempre recibimos os distintos intereses que se nos expoñen respecto da vacina Sputnik V co maior interese á vez que a máxima discreción e apertura, a fin de valorar todas as propostas”, destacan.

IberAtlantic, con sede en Vigo e delegación en Madrid, é unha compañía centrada en facilitar e promover distintas iniciativas e proxectos con empresas e institucións rusas no mercado español e iberoamericano.

O seu fundador e CEO, Pedro Mouriño, é cónsul honorario da Federación de Rusia para Galicia e, segundo avanzou ABC, o encargado de dirixir as conversas coa Comunidad de Madrid para a hipotética adquisición desta vacina.

A figura de Pedro Mouriño e de IberAtlantic estivo presente hai algunhas semanas nas conversas co Grupo Zendal, tamén galego, para negociar unha posible produción da Sputnik V nas súas instalacións e, por tanto, dentro da UE.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...