InicioSociedadeAmbulancias del Atlántico, do Grupo Orthem, renova o servizo programado da área...

Ambulancias del Atlántico, do Grupo Orthem, renova o servizo programado da área Sanitaria de Vigo

O orzamento de adxudicación será de 17.348.000 euros.

PUBLICADO O

Ambulancias Del Atlántico, do Grupo Orthem, seguirá prestando o servizo programado da área Sanitaria de Vigo ata abril de 2024, cun orzamento de adxudicación de 17.348.000 euros. Así o determinou o Servizo Galego de Saúde tras estudar a oferta presentada pola actual concesionaria, que vén prestando este servizo desde setembro de 2016.

A firma do contrato entre o Sergas e Ambulancias del Atlántico farase efectiva nun prazo estimado de quince días, segundo informaron fontes da empresa concesionaria.

O acordo contractual, que poderá ser prorrogable durante dous anos máis, recolle o compromiso de renovación das 70 ambulancias que actualmente conforman a frota do servizo nun prazo máximo de seis meses desde a notificación da adxudicación.

Neste caso serán vehículos de nova matriculación e de similares características aos xa existentes. Ademais, as ambulancias destinadas ao transporte colectivo de pacientes incluirán a novidade de dispor dunha sexta butaca no habitáculo sanitario co fin de optimizar o espazo e adaptalo ás necesidades previstas en cada momento.

O novo contrato de concesión entrará en vigor o 1 de maio do presente ano e manterá o persoal de 117 profesionais cos que actualmente traballa a empresa dentro deste servizo.

Tamén, e desde 2019, Ambulancias del Atlántico xestiona o transporte sanitario urxente en Vigo (incluída a comarca do Morrazo e os concellos de Cangas e Moaña), así como un 40 por cento do lote urxente de Santiago, cun persoal global de 260 traballadores.

Ademais, e formando UTE, a empresa tamén se encarga de xestionar o transporte sanitario da Rexión de Murcia desde maio de 2020 e permanecerá en activo durante o próximos oito anos, mantendo 700 empregos das anteriores concesionarias e creando outro centenar depostos de traballo.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...