InicioVigo e contornaO PorriñoSobreseído o caso do tren Celta ao concluír que o accidente foi...

Sobreseído o caso do tren Celta ao concluír que o accidente foi por exceso de velocidade do condutor falecido

A xuíza atribúe a responsabilidade "en exclusiva á imprudencia do maquinista".

PUBLICADO O

- Advertisement -

O Xulgado de Instrución número 2 do Porriño acordou o sobresemento provisional, con reserva de accións civís aos prexudicados, da investigación sobre o accidente do tren Celta que descarrilou na localidade pontevedresa en setembro de 2016.

Así, a xuíza considera no auto, contra o que cabe presentar recurso, que a causa do accidente foi “o exceso de velocidade do tren”, cuxa responsabilidade atribúe “en exclusiva na imprudencia do maquinista” falecido.

Desta forma, entende que houbo unha “condución desatenta ás circunstancias da vía e á súa sinalización”. “Mesmo podería indicarse que, se se observou a velocidade de itinerario marcada con carácter xeral no tramo, o tren non descarrilaría”, engade a maxistrada.

O accidente do Tren Celta ocorreu o 9 de setembro de 2016. Nel faleceron catro persoas –entre elas o maquinista–, e outras 47 resultaron feridas, 13 delas de gravidade.

Aínda que a instrutora considera que os feitos poderían ser constitutivos de catro delitos de homicidio por imprudencia grave profesional e 47 de lesións por imprudencia grave profesional, o falecemento do condutor determina a extinción da responsabilidade penal.

ÚLTIMAS

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...

Un accidente na Ponte de Rande provoca retencións na AP-9

Un accidente na ponte de Rande provoca retencións na autoestrada AP-9 en dirección Pontevedra,...

Prohibida a pesca do choco nas rías de Vigo e Pontevedra durante máis de tres meses

O Diario Oficial de Galicia (DOG) publica este xoves as resolucións da Consellería do...

PP e BNG de Vigo acusan que se impediu aos feirantes acdeder ao Concello e o goberno local négao

Os grupos municipais do PP e o BNG criticaron este xoves que se impediu...