InicioSociedadeMantense o ritmo de adopcións internacionais en 2010

Mantense o ritmo de adopcións internacionais en 2010

A provincia de Pontevedra tivo cinco adopcións ao longo do pasado ano a pesar da covid.

PUBLICADO O

A pandemia do coronavirus e os dous estados de alarma non fixeron variar a cifra total de adopcións internacionais rexistradas en Galicia en todo o ano 2020, que se situaron en 21, mesma cifra do 2019.

Segundo explica a Xunta, isto débese a que os procesos de información, valoración e integracións efectivas en liñas xerais “mantivéronse durante o último ano atendendo sempre aos protocolos sanitarios“.

Das 21 preasignacións de menores de todo o 2020, a provincia da Coruña acumulou 14. Seguíronlle Pontevedra, con cinco, e Ourense, con dous. Na provincia de Lugo non se produciu ningunha. Os países de orixe das nenas e nenos foron Bulgaria, China, Colombia, Filipinas, Hungría e Vietnam.

En canto á cifra de solicitudes, si se viu reducida ao pasar de 47 en 2019 a 31 durante todo o 2020. A provincia na que se rexistrou un maior número volveu ser A Coruña, con 16; seguida de Pontevedra, con oito; Lugo, con cinco; e dous na provincia de Ourense.

O que si se viu interrompido polo primeiro estado de alarma foi o proceso polo que atravesan as familias antes da adopción –unha sesión informativa e tres formativas–, aínda que durante o segundo semestre do ano retomouse “con normalidade e atendendo ao protocolo de actuación”, subliña a Xunta.

O mesmo ocorreu coas valoracións de idoneidade que se realizan mediante encontros presenciais cos técnicos de adopción. Pola súa banda, as integracións efectivas dos menores nas familias víronse condicionadas pola situación concreta da pandemia en cada país de orixe e a súa normativa.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...