As novas medidas entrarán en vigor o próximo 19 de marzo ata a semana santa onde serán revisadas.
As medidas que afectan a toda Galicia, agás a tres concellos pechados por alta incidencia. Os concellos son Vilardevós, Paradela e Maside
Durante os próximos días a partir do venres e toda a Semana Santa só poderanse reunir en domicilios persoas conviventes. É unha restrición nacional adoptada no consello interterritorial. As reunións no exterior están limitadas a seis persoas non conviventes e a catro no interior.
Catro niveis de restriccións
O nivel de máximas restricións segue sen cambios e afecta os concellos que teñen unha incidencia de máis de 500 casos por cada 100.000 habitantes. Son: Vilardevós, Paradela e Maside.
O nivel de restricións alto aplícase a concellos cunha incidencia entre 250 e 500 casos por cada 100.000 habitantes. Medidas: hostalaría ata as 21,00 horas, só apertura de terrazas con capacidade do 50 por cento. Aplicarase aos seguintes concellos: Sobrado, Boborás, A Mezquita, Pontecesures, Neda e Arteixo.
Nivel de restricións medio, aplícase a concellos cunha incidencia entre 250 e 150 casos por cada 100.000 habitantes, que suman, tras a última actualización deste mércores, un total de 14 concellos: Boimorto, A Coruña, Culleredo, Mugardos, Ponteceso, Valdoviño, Bergondo, Laxe, Chantada, Guitiriz, Pantón, Sober, Soutomaior e Coles.
As medidas para este grupo de municipios (o 12,4 por cento da poboación) son a apertura da hostalaría ata as 21,00 horas, cun 30 por cento de capacidade no interior e un 50 por cento das terrazas.
Nivel de restricións baixo, aplícase aos concellos que teñen unha incidencia de menos de 150 casos por cada 100.000 habitantes e que son 290 en toda Galicia, o 85,6 por cento da poboación. A hostalaría poderá funcionar con capacidade do 50 por cento interior e un 75 por cento nas terrazas.
Mobilidade
Galicia continuará pechada perimetralmente. Só se poderá entrar e sair da comunidade por cuestiósn excepcionais (saúde, traballo, …)
Permítese a mobilidade en toda Galicia excepto nos concellos de Vilardevós, Paradela e Maside, que manteñen o peche perimetral. Entre o resto de municipios, aínda que estean en distintos niveis, poderá haber desprazamentos.
A fronteira con Portugal tamén seguirá pechada, salvo as excepcións habituais de saúde e traballo.
Horarios
O toque de queda mantense dende as 22h ata as 6 da madrugada.
O horario da hostalería ata as 21h (salvo nos concellos con máxima incidencia onde a hostalería permanece pechada)
Reunións
A reunións en domicilios só poderán ser entre conviventes.
As reunións entre non conviventes será de un máximo de 6 persoas e sempre en exteriores.
Nos interiores dos establecementos hostalerios só poderán reunirse un máximo de 4 persoas (convivintes ou non conviventes)
Instalacións deportivas,centros culturais, igrexas, teatros
Aforo máximo do 50% e uso obrigatorio de máscara, e distanzamento en todo momento.
Dúbidas e información no teléfono gratuíto do COVID da Xunta de Galicia 900 400 116