Os pallasos solidarios regresan ao Álvaro Cunqueiro cun gran espectáculo exterior

Convocan un pasarrúas con máis de 30 persoas para animar os ingresados e agradecer o traballo do persoalsanitario.

O persoal do hospital Álvaro Cunqueiro, así como os pequenos e maiores ingresados nas súas unidades, poderán desfrutar o vindeiro xoves de 18 dun pasarrúas que terá lugar no exterior da edificación. O acto, convocado por Galiclown – Pallasos de Hospital, terá lugar a partir das 11 da mañá coa intención de “animar ás persoas que están ingresadas e, ao mesmo tempo, agradecer o traballo a todo o persoal sanitario que alí traballa cada día dende hai xa un ano”.

O anuncio de Galiclown chega despois de que, por mor das actuais circunstancias sanitarias, se viran impedidos de realizar as súas actividades habituais no interior do centro. “Xa que aínda non podemos entrar nas instalacións, seguimos animando no covid auto todas as semanas”. O acto prevé convocar a 30 pallasos e será semallante a outros como o celebrado no pasado mes de novembro.

DEIXAR UN COMENTARIO

Please enter your comment!
Please enter your name here