InicioSociedadeAs persoas que xa participaron no cribado en farmacias poderán repetir a...

As persoas que xa participaron no cribado en farmacias poderán repetir a proba

Unicamente hai que solicitalo na farmacia e ao día seguinte recoller a mostra de saliva en casa e levala á mesma farmacia.

PUBLICADO O

A Consellería de Sanidade facilita que as persoas da provincia de Pontevedra que “xa participaron”, a través das farmacias, no cribado para a detección de Covid-19 en persoas asintomáticas “poidan repetir a proba”.

Así o informou este xoves o Colexio de Farmacéuticos de Pontevedra, que destacou que este cribado poboacional que comezou o 9 de febreiro en 381 farmacias pontevedresas “detectou 64 positivos en persoas asintomáticas de entre 40 e 64 anos residentes” na provincia.

“O cribado continúa activo nas farmacias da nosa provincia”, sinalou a presidenta do Colexio de Farmacéuticos de Pontevedra, Alba Soutelo, quen anima os pontevedreses a participar nel.

“É moi cómodo e sinxelo, e ten unha alta fiabilidade. Unicamente hai que solicitalo na farmacia e ao día seguinte recoller a mostra de saliva en casa e levala á mesma farmacia. Nun prazo de entre 24 e 72 horas recíbese o resultado no móbil“, explicou.

A entidade colexial incidiu en que na provincia a participación dos profesionais farmacéuticos, que ofreceron as farmacias e a colaboración gratuíta, “permitiu que se poña a disposición dos cidadáns a realización de PCR de forma máis accesible”.

CRIBADO INTENSIVO EN CAMBADOS

A entidade colexial sinalou que, ao mesmo tempo que continúa o cribado provincial, iniciouse un cribado poboacional intensivo en Cambados dirixido a unha poboación diana de 5.341 persoas.

Neste cribado, que comezou o luns 8 de marzo, participan catro farmacias e estenderase durante toda esta semana, para finalizar o luns 15 a entrega de tubos coa mostra de saliva nas farmacias.

“A convocatoria foi un éxito e os cidadáns de Cambados están a acudir masivamente ás farmacias para obter os kits de recollida de mostra”, subliñou, para concretar que en tres días de cribado “xa participaron 2.494 persoas, o 46,7% da poboación diana”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...