InicioSociedadeAlcaldes de 26 concellos do Miño protestan na Ponte da Amizade co...

Alcaldes de 26 concellos do Miño protestan na Ponte da Amizade co lema ‘Open the border’

A comitiva galega e a portuguesa escenificaron as súas reivindicacións cada unha polo seu lado debido a que efectivos da GNR e da Garda Civil impediron celebrar o acto simbólico de maneira conxunta no medio da ponte.

PUBLICADO O

- Advertisement -

Alcaldes de case unha trintena de municipios participaron nunha protesta na Ponte da Amizade, que une Tomiño e Vila Nova de Cerveira, onde despregaron unha pancarta xigante co lema ‘Open the border’ para denunciar as consecuencias económicas para os veciños e traballadores transfronteirizos do peche de fronteira con Portugal.

A protesta contou coa participación de representantes da Guarda, O Rosal, Tomiño, Tui, Salceda de Caselas, Salvaterra, As Neves, Arbo, Caminha, Vila Nova de Cerveira, Valença, Paredes de Coura, Monçao e Melgaço.

A pesar diso, a comitiva galega e a portuguesa escenificaron as súas reivindicacións cada unha polo seu lado debido a que efectivos da GNR e da Garda Civil impediron celebrar o acto simbólico de maneira conxunta no medio da ponte.

En declaracións aos medios, o vicedirector do AECT Rio Miño, Uxío Benítez, trasladou esta chamada de auxilio ás autoridades galegas, estatais e europeas para permitir a apertura de todos os pasos de fronteira, ademais de para reivindicar axudas económicas específicas que permitan paliar o dano provocado polas decisións de Portugal e do Estado español.

O mal xa está feito, abran os pasos agora ou dentro dun mes. Non nos fixeron caso nas nosas reivindicacións e agora queremos que se nos teña en conta e nos compensen polas perdas”, trasladou, para lembrar que o gasto medio por traballadores en combustible rolda os 200 e os 300 euros mensuais, todo por pasar polo único paso aberto 24 horas (Tui-Valença).

PERDAS ECONÓMICAS

Tamén se referiu ao estudo elaborado pola Uvigo que constata que a hostalaría da zona está a perder un 19 por cento de facturación debido ao ‘efecto fronteira’, que se engade ás perdas rexistradas como consecuencia da pandemia.

“Hai que habilitar partidas específicas para territorios directamente de fronteira nos que o prexuízo económico foi maior, garantindo que os fondos se destinan ás zonas de raia e non se deturpen”, engadiu.

A AECT anunciou a creación dun rexistro de afectados o peche de fronteira e a presentación de mocións nos 26 municipios para instar ante todas as institucións a apertura dos pasos e a dotación de compensacións económicas polo peche.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...