Tres mortos máis pola covid-19 na área de Vigo

Once falecidos máis elevan a 2.238 as vítimas mortais da pandemia en Galicia.

Un profesional sanitario prepara a padiola para baixar da ambulancia a un paciente con COVID-19 nunha imaxe de arquivo. CARLOS CASTRO - EUROPA PRESS

As autoridades sanitairas comunicaron a morte doutro once pacientes diagnosticados con covid-19, co que son xa 2.238 os falecidos pola pandemia en Galicia.

Das mortes comunicadas, ningunha produciuse este domingo. Dúas foron o 26 de febreiro e as nove restantes, o sábado 27. Todas as vítimas tiñan patoloxías previas e ningunha estaba vinculada a residencias.

Así, as persoas falecidas o venres 26 foron un home de 58 anos que se atopaba hospitalizado no CHUVI e outro home de 94 anos de idade que estaba ingresado no CHUO.

Á xornada do sábado corresponden os nove óbitos restantes. Catro deles producíronse no CHUAC (dous homes de 59 e 74 anos e dúas mulleres de 85 e 81) e dous no CHUVI (dúas mulleres de 94 e 82 anos, respectivamente).

Ademais, unha muller de 81 anos morreu mentres se atopaba ingresada no Hospital Santa Teresa de Ourense, un home de 79 anos faleceu no CHUO e outro home de 89 anos perdeu a vida no CHUS.

DEIXAR UN COMENTARIO

Please enter your comment!
Please enter your name here