Pola súa banda, na área de Vigo teñen previsto pór este primeiro día un milleiro de dose. En concreto, no centro de saúde de Taboada Leal una das enfermeiras, Lara, comentou que resulta “moi emocionante participar nisto” e desexou “que acabe axiña“. “Moi contentas de poder axudar”, abundou.
Nesta liña, a súa compañeira Andrea Otero manifestou que “é moi satisfactorio poder vacinar tamén a xente maior, que o recibe con moita alegría”. Así, valorou que “xa era hora de que lles chegase o seu momento”. Mentres, a coordinadora de enfermaría Julia Tomé comentou que se trata de “unha poboación en gran risco”. “E nestes momentos estamos a protexelos”, sentenciou.
Entre os usuarios vacinados neste centro de Vigo este luns, Purificación Lerma recoñeceu que “estaba a desexar” poder vacinarse. “Dábame moito medo, canto máis pronto mellor”, afirmou, para subliñar que desexa “que chegue a segunda” (dose). “Quero viaxar, teño ao meu fillo e netos en Canarias”, apostilou.
Tamén Fernando Iglesias mostrouse “contento” tras recibir esta primeira dose da vacina, mentres que Cándida Hortas asegurou que “a xente responde moi ben”.
