As anpas viguesas lánzanse á defensa do galego no Día mundial da Lingua Materna

As anpas lazan unha campaña aberta á cidadanía para promover o orgullo galegofalante con vídeos de poucos segundos.

Nenos paseando | Foto JatoCreate
Nenos paseando | Foto JatoCreate

Cada 21 de febreiro ten lugar unha celebración que toca de preto aos falantes de galego: o día mundial da lingua materna. Para non deixar que esta data pase sen pena nin gloria, a comisión lingüísta da Federación olívica de anpas (FOANPAS) están a lanzar unha campaña aberta á cidadanía cun único obxectivo: a promoción da lingua galega.

“Queremos pedirvos colaboración para a celebración dese día”, explican dende a plataforma, que propoñen lanzar un movemento baseano nun “breve vídeo duns segundos cunha frase dita por vós, pola vosa crianza, polo voso grupo de crianzas, por todo o voso núcleo familiar, como vós queirades, unha frase simple sobre o que vos fai pensar o Día da Lingua Materna, unha frase motivadora para usar a nosa lingua propia: o galego”.

Esta frase “linda e motivadora de por que falamos galego” podería enviarse a tic@foanpas.com para que sexa publicado nas redes da federación o día 21 de febreiro. Dende a plataforma subliñan a importancia de que o vídeo en cuestión sexa gravado en horizontal e que “non teña ruído de fondo. “Entre todas faremos que a nosa lingua sexa extensa e útil”, engaden.

DEIXAR UN COMENTARIO

Please enter your comment!
Please enter your name here