Tres persoas diagnosticadas de Covid falecen no CHUVI

Profesionais sanitarios traballan no hospital. Foto Franciso Havia /Universidade de Vigo
Profesionais sanitarios traballan no hospital. Foto Franciso Havia /Universidade de Vigo

O Servizo Galego de Saúde (Sergas) vén de comunicar o falecemento doutras nove persoas que foran diagnosticadas por coronavirus. Galicia supera xa a barreira das 1.600 mortes dende o inicio da pandemia. 

Tres das nove mortes rexistráronse na área de Vigo: unha muller de 83 anos e dous homes de 59 e 84. Todos eles finaron no Complexo Hospitalario Universitario de Vigo (CHUVI). Outras dúas vítimas faleceron no Hospital de Ferrol (CHUF). Tratábase dun home de 75 anos e outro de 86. 

O hospital da Coruña (CHUAC) e o de Pontevedra (CHOP) rexistraron cadanseu falecemento: o dun home de 57 anos e o dunha muller de 70 anos. 

Pola súa parte, a área de Lugo suma dúas vítimas máis. Unha muller de 83 anos procedente dun asilo de Ribadeo, que faleceu no Hospital da Mariña; e outro de 86 anos que finou no Hospital de Monforte.

Please wait while you are redirected...or Click Here if you do not want to wait.

DEIXAR UN COMENTARIO

Please enter your comment!
Please enter your name here