InicioSociedadeO Sergas inicia un cribado masivo en Moaña ante a alta incidencia...

O Sergas inicia un cribado masivo en Moaña ante a alta incidencia de Covid

As persoas de entre 15 e 70 anos recibirán un kit cun tubo xunto coas indicacións precisas para que poidan realizar unha recollida de saliva nos seus domicilios.

PUBLICADO O

O Sergas realizará un cribado masivo de COVID-19 en Moaña mediante probas PCR ás que se convidará a someterse a 19.900 persoas de 15 ou máis anos desde este xoves ata o vindeiro martes.

Segundo detallou a xerencia da área Sanitaria de Vigo, instalaranse seis carpas na praza do Mercado de Abastos da localidade para que as persoas citadas poidan desprazarse en vehículo ou a pé. Así, un equipo de 14 profesionais xestionará o proceso desde as 8,30 ata as 19,30 horas.

Esta medida foi adoptada ante a elevada incidencia de COVID-19 mantida nos últimos 14 días en Moaña. Deste xeito, búscase captar o maior número de persoas infectadas que non presenten sintomatoloxía ante o risco que supoñen para a saúde pública dado que continúan a súa vida diaria e poden contribuír á propagación do virus.

O Sergas habilitou dúas modalidades de recollida de mostras para realizar a proba PCR, a autónoma de saliva e a nasofarínxea. As persoas de entre 15 e 70 anos recibirán un kit cun tubo xunto coas indicacións precisas para que poidan realizar unha recollida de saliva nos seus domicilios.

En concreto, deberán recoller un 1 mililitro de saliva ao levantarse, en xaxún, sen tomar auga e sen lavar os dentes. Ao día seguinte, deberán entregar o tubo no dispositivo que se habilitará xunto á confraría.

Posteriormente, as mostras procesaranse no Hospital Álvaro Cunqueiro mediante a técnica de ‘pooling, que permite a agrupación de varias nun mesmo análise. Mentres, tomarase unha mostra nasofarínxea ás persoas maiores de 70 anos ou ás que presenten máis dificultades para producir saliva.

O Sergas contactará coa poboación de Moaña para convidala a realizar a proba diagnóstica PCR, que será voluntaria. Para iso, facilitaráselle unha cita para acudir ao dispositivo sanitario no que se tomarán as mostras.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...