Morren dúas persoas por Covid na área de Vigo

Unha ambulancia acode a unha emerxencia / EP

As vítimas que deixa a pandemia do coronavirus en Galicia eleváronse a 1.236, tras falecer nas últimas horas oito persoas diagnosticadas con covid-19, dous deles procedentes de residencias de maiores.

Segundo os datos facilitados este mércores pola Consellería de Sanidade, trátase de cinco homes e de tres mulleres. Todos eles presentaban patoloxías previas.

Dous deles morreron na Área Sanitaria de Vigo, un deles de 70 anos procedía do centro Doralresidencias de Mos e outra muller de 85 anos morreu no hospital de Povisa. Tamén houbo outros dous falecidos na Centro Hospitalario de Pontevedra; unha muller de 71 anos que procedía da Residencia de Vilaboa e un home de 80 anos.

No Chuac da Coruña faleceu un home de 81 anos, outro de 56 no Chuf de Ferrol e, finalmente, unha muller de 77 anos, no Hospital Virxe da Xunqueira de Cee.

DEIXAR UN COMENTARIO

Please enter your comment!
Please enter your name here